பழைய நண்பர்கள் மன்னிக்கவும். இது என் புதிய நண்பர்களுக்காக (சரித்திரம் இம்பார்ட்டன்ட் தானே...)
இருக்கும் வரை சுகிக்கும் கலை
படிக்கும் ஒரு மாணவன்
இனிக்கும் பொருள் அனைத்தும் தொடத்
துடிக்கும் பெரும் காமுகன்
பனிக்கும் எரி மலைக்கும் இடை
நடக்கும் ஒரு சாகசன்
கிடக்கும் தெரு கடக்கும் நொடி
திகைக்கும் சிறு மானுடன்
சிரிக்கும் மலர் தெறிக்கும் இசை
ரசிக்கும் நல் காதலன்
குடிக்கும் நொடி வழுக்கும் மொழி
பிதற்றும் ஒரு கேவலன்
வெறுக்கும் விருப் பிருக்கும் என
தினைக்கும் உன் ஞாபகம்
திறக்கும் விழி இமைக்கும் செயல்
மறக்கும் உன் பேரெழில்
சிரிக்கும் இதழ் முறைக்கும் விழி
இனிக்கும் நீ ஓவியம்
உனக்கும் அடி எனக்கும் வரும்
பிணக்கும் ஒரு நாடகம்.